طريقة كتابة كلمات اغانى الراب

 

السلام عليكم ورحمة الله و بركاتة

 

اول حاجة علشان تغني راب لازم تكون بتعرف تكتب كلمات

 

و زي ما كل الناس عارفة ان الراب مش بس ديسات و اغاني فصلة و الحاجات دية

 

يعني الراب ممكت تعمل بية اي حاجة زي ما بيقولو سلاح الرابر هو المايك بتاعة

 

و دة كلام صحيح جداً و انا احترمة جداً جداً

 

ندخل في الموضوع علطوووووول

 

اول حاجة الاغنية او التراك بتتكون من 4 حاجات عموماً

Intro - Chourse - Verse - Outro

 

اول حاجة هي الـ Intro  :

و هي البداية بتاعت الاغنية يعني مثلاً اديكو مثال اغنية مشهورة جداً علشان الكل يكون عارفها

هي اغنية Eminem اسمها When I'm Gone لو تسمع الاغنية في اول اغنية في صوت اطفال

و صوت ناس بتتكلم كدة و حركات دة اسمة Intro للاغنية و هو تقريباً مش ضروري في كل الاغاني

و في ناس بتخلي الانترو بيكون اسامي الرابرز اللي بيغنو في التراك

 

 

تاني حاجة هي الـ Verse :

الفيرس هو المقطع اللي انت بتغني فية يعني مثلاً قولت الانترو خلاص و متحمس

البيت هوبا دخل تروح قايل اللي عندك لغاية ما تخلص الفيرس اللي انت كاتبة

دة اسمة فيرس اللي هو الاغنية نفسها و في اغاني بتتكون من 3 فيرسات و 4 قيرسات

بس بيكون بينهم الكورس و دلوقتي هنعرف اية هو الكورس

 

تالت حاجة هو الـ Chourse :

الكورس هو المقطع اللي بيتعاد بين كل فيرس و فيرس و بيكون عبارة عن فكرة عامة

عن كل حاجة في التراك نفترض مثلاً انك بتغني عن الفلوس مثلاً و انها بتخلي الناس

مش بتحب بعض و ينافسو بعض منافسات غير شريفة و الكلام دة

فممكن نقول الكورس هيكون مكون من ثلاث اسطر تخلي الثلاث اسطر دول عن الفلوس عمتاً

يعني مثلاً تخلي الثلاث سطور دول

 

الفلوس بتخلي الناس علي الصغير تدوس

الفلوس هتكون كبير و بيها هتكون ديوث

الفلوس بتخلي ناس تفرح و ناس تعوص

 

دول تعدهم مثلاً مرتين بين كل فيرس و فيرس علشان يكون الـ Chourse

 

رابع حاجة هي الـ Outro :

الاوترو هو اخر الاغنية يعني مثلاً تقول في اخر الاغني اسمك و الـ A.K.A بتاعك

تقل كان معكم الرابر فلان من علي الدوار اي حاجة انت عايزها

 

طيب دلوقتي انت عرفت التراك بيتكون من اية جينا بائة لكتابة الكلمات

في ناس كتييير بيكونو يعرفوا يكتبو كلمات بس مش بتطلع مظبوطة مثلاً

او الكلمات بيكون فيها خلل من ناحية المعني كل دة هنعرفة

 

اول حاجة علشان تكتب كلمات تعرف يعني اية كلمة بار ( Bar )

مثلاً واحد يجي يقولك انا كاتب اغنية فيها 60 بار و انت طبعاً مش فاهم حاجة

 

البار يعني السطر و سهلة دية مافهاش حاجة فتح مخك معايا و النبي

 

يعني اديك مثلاً 3 بارات

 

احنا في منتدي الهيب هوب المصري

شعر حديث شعر عصري

اسمع كلامي اسمع فني

 

دول تقدر تقول عليهم 3 بارات << ماتركزش في الكلمات دول فري ستايل نقره لعرض الصورة في صفحة مستقلة

 

بس في بائة مشكلة في اللي بيكتبو كلمات بلاحظها دايماً

و نتيجتها ان مافيش حد بيسمع الاغنية اصلاً غيرة هو و اصحابة

 

ان لما يكتب كلمات بيكون حاطط في دماغة حاجة واحدة بس مافيش غيرها

انا الكبير - انا المسيطر - انا اللي هصلح العالم - انا اللي ماسك الحارة

 

و دة طبعاً غلط دول تستخدمهم في تحدي لما يكون Disrespect Track

تقعد تكلم عن نفسك و خلاص يعني ممكن في اغنية تحط بارين من النوع دة بالكتير

 

بس مش كل اغنية تقف قدام المايك عايز تتهاوش معاة

 

يعني يكون في دماغك مشكلة و تقول لازم احل المشكلة دية بأي طريقة

فبما انك رابر بتلاقي الطريقة هي قلمك وورقتك و بسسس

فتمسك الورقة و القلم و تكتب و تطلع كل اللي عندك بس علي شكل ابيات شعرية

 

و الشي بردة اللي بيخرب الاغنية مع انك كاتب كلمات حلوة هي انك مش بتعطي للكلام حقة

يعني مثلاً كلمة كلب مش تقولها زي كلمة حبيبي لازم يكون عندك تمييز بين الكلام في الفلو بتاعك

 

و الفلو هو طريقة غناك علي البييت يعني الطريقة اللي بتركب بيها علي البيييت

 

يعني تقول كلمة كلب و انت اكنك بشتم واحد بجد و كلمة حبيبي تقولها ببحة في الصوت

لان انت بتقولها بمعني الصداقة او الحب لكن كلب بتقولها لسبيل التهزيق او السب

 

فلازم يكون في تمييز عندك بين الكلام و طريقة نطقها

 

 

 

اتمني الموضوع يعجبكم و الناس تستفيد منة و نشوف الشباب كلهم بيغنو